Stefna Hafralækjarskóla

Hafralækjarskóli starfar eftir lögum nr. 91/2008 um grunnskóla.
Samkvæmt lögum eru markmið grunnskóla tvenns konar, almenn menntun sem stuðlar að alhliða þroska og virkri þátttöku í lýðræðisþjóðfélagi og undirbúningur nemenda fyrir frekara nám og þátttöku í atvinnulífi.

Við leggjum áherslu á:

• að allir innan stofnunarinnar, jafnt nemendur sem starfsfólk, njóti tækifæra til að auka hæfni sína og eflast sem einstaklingar 
• fjölbreyttar náms- og kennsluaðferðir ásamt hvetjandi vinnuumhverfi
• að styðja nemendur til að taka ábyrgð á eigin námi og temja sér sjálfstæði í vinnubrögðum eins og aldur og þroski leyfir
• að beita fjölbreyttu námsmati í þágu náms að hrósa fyrir vel unnin störf og gagnrýna á sanngjarnan máta
• uppbyggjandi uppeldisstefnu sem stuðlar að ábyrgðarkennd og sjálfstjórn
• að allir finni sig örugga í skólanum og milli aðila ríki gagnkvæmt traust
• að innan stofnunarinnar ríki jákvæð og heiðarleg samskipti
• að byggja upp jákvæðan metnað
• gott samstarf milli heimila og skóla
• að upplýsingagjöf sé virk og boðleiðir skýrar
• að efla með markvissri grenndarkennslu þekkingu á umhverfi okkar og samfélagi