15. desember 2011

Litlu jólin

Litlu jólin verða haldin hátíðleg á morgun, 16. desember. Dagurinn hefst með því nemendur fara til umsjónarkennara og eiga þar góða og notalega stund við upplestur og kertaljós.

Hin hefðbundna dagskrá í Ýdölum hefst um kl. 10.00 og mun leikskólinn taka þátt í skemmtuninni með okkur. Þar verða ýmis tónlistaratriði, dansað og sungið í kringum jólatré og jólasveinar kíkja e.t.v. í heimsókn.

Gleðinni lýkur rétt fyrir hádegi og nemendur fara heim kl. 12.00.